atanas akerstra
Akerstrak akerrak bezala jotzen du. Akerrak adarrak okerrak ditu. Akerra ikusi dugu baratzean jaten. Akerrak gordina jaten du. Akerrak ez du bizimodu egosia nahi; ez egosia eta ez erraza. Akerra ikusi dugu baratzean jotzen. Ez du musikarik egosten, ez errazten; ez du musika egosia jotzen. Hargatik da latza. Jendeak dio: “Akerstra? Puf! Latza!”
Musikero zaharrek ere akerrak bezala jotzen dute. Hala esaten dute beaxek. Musika horren usaina ere akerrarena du: sendoa, bizia, sarkorra. Akerra askatasunaren eta katearen artean dago etzana. Akerra mendian katean lotua dago, baina askatasuna du sasia jateko, bazterrak sasiz garbitzeko. Musikak alferrik dauzkan sasiak jan nahi lituzke akerstrak. Sasirik gabeko musika jo nahi luke akerstrak. Ez da mandioko musika, ez ikuilukoa, ez azokakoa, ez aretokoa. Pendizeko musika da.— Iñaki Segurola, Ogrue
Kontsumo masiborako produktu hutsal bihurtu aurretik, blues eta rockaren hastapenetako soinuak barnebizitzaren espresiobide zuzenerako iturri eta tresna dira. Primitiae Blues Espaezialea. Rockaren aurrehistori bilutsiaz begiratu bat post-rock garaiotarako.
pistak
- beltza den zorionaren kolorea 3:24
- 2331jesus 5:04
- kornelius kapitainak untxiari bluesaz galdetu zion (03) 1:25
- kornelius kapitainak untxiari bluesaz galdetu zion (91) 3:03
- paxiera mozkorrak 2:53
- apo 2:06
- beltza dek zorionaren kolorea (II) 3:20
- hutsuneak (bukatzeko era bat) 1:03
bihotz bihotzez; Xoxe el Negrori
Grabaziorik zaharrena 1991koa izaki, azken 15 urteotan MATADEIXEn ontzen joandako Sasiproiektu honetako doinuak etziren berez inongo disketan ateratzeko jaio, egiten hutsaren plazeragatik baino. Garai berrietarako musika zaharra.
Atanas Akerstraren CDak 200 kopia ditu; serigrafiaz egindako azala eta posterrarekin, banan bana eskuz eginak. Joxu Ixkurre eta Artelekuren laguntza estimatuarekin. Azken zaratak: Xabier Erkizia.
apo
apo erregea nauzue pozoitutako uretan
neu naiz hemen epaile, jaun eta jabea
eta eguzki kixkalgarri zein euripean neure erreinua zabaltzen dut kroaka
milaka arratoi hortzak zorrozten
urdina da nire odol lisergikoa
apo erregea nauzue lokatzetan, dantzan, larrugorritan
mixeria hutsezko potzu sakon hauxe dut jabego bakartzat
ORO
Atanas Korneliusek oro aurkezten du; akauzazte/etzazuakaren hainbat abestien moldaketa, eta Mikel Laboaren bat. Atanas Akerstra vol.2 (2016)
entzun / jeitsi · archive.org · Oro · Urpa i Musell
